ஆந்திர கவர்னர் அப்துல் நசீர் கடந்து வந்த பாதை

 

02-01-2023 அன்று உச்சநீதிமன்ற நீதிபதி பதவியில் இருந்து ஓய்வு பெற்ற  அப்துல் நசீர் அவர்கள் 12-02-2023 அன்று ஆந்திர கவர்னராக பதவியேற்றார். பிஜேபி அரசு இவருக்கு ஓய்வு பெற்ற 40 நாளிலே இவருக்கு கவர்னர் பதவி வழங்கியுள்ளது என்றால் இவரின் செயற்பாடுகள் ஆளும் அரசுக்கு எதுவாக இருக்கும் என்றுதானே நினைக்கத்தோன்றும்.

 

யார் இந்த அப்துல் நசீர்?

கர்நாடகா கனரா பகுதியை சார்ந்த பக்கீர் சாஹிபுவுக்கு மகனாக பிறந்த இவருடன் பிறந்தவர்கள் 5 பேர். இவர் பெலுவை பகுதியில் வளர்ந்தார், மஹாவீரா கல்லூரியில் பி.காம் முடித்தார், பிறகு ஸ்ரீ தர்மஸ்தலா மஞ்சுநாதேஸ்வரா சட்டக்கல்லாரியில் சட்டப்படிப்பை முடித்தார்.

 

 

நீதித்துறை வாழ்க்கை (1983–January 2023)

 

சட்டப்படிப்பை முடித்தவுடன் 1983 ல் கர்நாடகா உயர்நீதிமன்றத்தில் வழக்கறிஞர் ஆக பயிற்சிபெற்றார். மே மாதம் 2003 ல் கூடுதல் நீதிபதியாக கர்நாடகா உயர்நீதிமன்றத்தில் பணியாற்ற தொடங்கினார், பிறகு கர்நாடகா உயர்நீதிமன்றத்தின் நிரந்தர நீதிபதியானார். பிப்ரவரி 2017 ல் கர்நாடகா உயர்நீதிமன்றத்தில் இருந்து உச்சநீதிமன்றத்திற்கு உயர்த்தப்பட்டார். இப்படி உயர்நீதிமன்றத்தின் நீதிபதியாக இருந்து உச்சநீதிமன்ற நீதிபதியாக பதவி உயர்வு பெற்றவர்களில் இவர் மூன்றாமானவர். பொதுவாக உயர்நீதிமன்ற முதன்மை நீதிபதியாக பதவி வகித்தவர்கள் மட்டுமே உச்சநீதிமன்ற நீதிபதியாக நியமிக்கப்படுவார்கள்.

 

 

சமீபத்தில் இவர் தீர்ப்பு சொன்ன மிக முக்கிய மூன்று வழக்குகள் 

1. பாபரி மஸ்ஜித் வழக்கு, 

2. முத்தலாக், 

3. பணமதிப்பிழப்பு.

 

முத்தலாக் வழக்கு:

 

உச்ச நீதிமன்றத்தில், 2017 ஆம் ஆண்டு சர்ச்சைக்குரிய முத்தலாக் வழக்கை விசாரித்த பல மத பெஞ்சில் ஒரே முஸ்லிம் நீதிபதியாக நசீர் இருந்தார். நசீரும் மற்றுமொரு நீதிபதியும் முத்தலாக் (தலாக்-இ-பித் அத்) நடைமுறையின் செல்லுபடியை உறுதிசெய்தாலும், அது முஸ்லிம் ஷரியா சட்டத்தின்  கீழ் அனுமதிக்கப்படுகிறது என்ற தவறான புரிதலின் அடிப்படையில், பெஞ்ச் 3:2 பெரும்பான்மையால் தடை செய்து மத்திய அரசிடம் கேட்டது. முஸ்லீம் சமூகத்தில் திருமணம் மற்றும் விவாகரத்துகளை நிர்வகிப்பதற்கான சட்டத்தை அரசாங்கம் ஆறு மாதங்களில் கொண்டு வரவுள்ளது. அரசாங்கம் முத்தலாக் தொடர்பான சட்டத்தை உருவாக்கும் வரை, கணவர்கள் தங்கள் மனைவிகளுக்கு முத்தலாக் கூறுவதற்கு தடை விதிக்கப்படும் என்று நீதிமன்றம் கூறியது.

 

பாபரி மஸ்ஜித் வழக்கு:

 

பாபரி மஸ்ஜித் சர்ச்சையில் 2019 ஆம் ஆண்டு உச்ச நீதிமன்றத்தின் வரலாற்றுச் சிறப்புமிக்க தீர்ப்பின் 5 நீதிபதிகள் பெஞ்சில் அவர் ஒரு பகுதியாகவும் இருந்தார். அதில், எந்த ஒரு அறிவியல் காரணங்களையும் முன்வைக்காமல் பெரும்பான்மை மக்களுக்கு ஆதரவாக அநீதியை நீதி என்று ராம் மந்திருக்கு ஆதரவாக தீர்ப்பை வழங்கினார், இதனால் பல ஆண்டுகளாக நீடித்த தகராறு 5-0 என்ற தீர்ப்புடன் முடிவுக்கு வந்தது.

 

பணமதிப்பு நீக்கம் வழக்கு:

 

அவர் ஓய்வு பெறுவதற்கு சில மாதங்களில், நசீர் தலைமையிலான அரசியலமைப்பு பெஞ்ச், இந்திய   அரசாங்கத்தால் மேற்கொள்ளப்பட்ட 2016 இந்திய ரூபாய் நோட்டுகள் பணமதிப்பு நீக்கம் தொடர்பான வழக்குகளை விசாரித்தது. நூற்றுக்கும் மேற்பட்ட மக்களை பழிவாங்கிய கோமாளித்தனமான  செயலை ஆதரித்து பணமதிப்பிழப்பு செல்லும் என்று தீர்ப்பு வழங்கினார்.

 

உச்ச நீதிமன்ற, உயர் நீதிமன்ற நீதிபதிகள், `அரசியலமைப்புச் சட்டத்தின் பாதுகாவலர்கள்’ என்றே அழைக்கப்படுகிறார்கள். அவர்கள் சுயநலம் எதுவுமில்லாமல், எந்த ஆதாயத்தையும் எதிர்பார்க்காமல், முழுக்க முழுக்கச் சட்டத்தின் அடிப்படையில் நீதிபரிபாலனம் செய்யக்கூடியவர்களாக இருக்க வேண்டும் என்பது அனைத்துத் தரப்பினரின் எதிர்பார்ப்பு. அப்போதுதான், மக்களுக்கு நீதித்துறை மீதான நம்பிக்கை நிலைத்திருக்கும். மாறாக நீதிபதிகள்மீதும், அவர்கள் வழங்கும் தீர்ப்புகள்மீதும் மக்களுக்குச் சிறு சந்தேகம் ஏற்பட்டாலும், அது நீதித்துறைமீதான நன்மதிப்பைக் குலைத்துவிடும். ஆனால், சில நீதிபதிகள் ஓய்வுபெற்றவுடனேயே பெரிய பொறுப்புகளில் அமர்த்தப்படும்போது, அவர்களது பணிக்காலச் செயல்பாடுகள் கேள்விக்குள்ளாகின்றன.

 

நம்பகத்தன்மையை பாதிக்கும்!

“ஒருவர் பணி ஓய்வுபெற்ற பிறகு, ‘கூலிங் பீரியட்’ எனப்படும் நியாயமான கால அவகாசம்கூட இல்லாமல் பதவிகளை வழங்குவது மிகவும் கவலைக்குரியது” என்கிறார், அகில இந்திய வழக்கறிஞர் சங்கத்தின் பொதுச்செயலாளரும், சென்னை உயர் நீதிமன்ற வழக்கறிஞருமான ச.சிவக்குமார்.

“நீதிபதியாக இருப்பவர் எந்தவித அச்சமும் இல்லாமல் தீர்ப்புச் சொல்பவராக, ஒரு சாராருக்கு ஆதரவாக இல்லாமல் தீர்ப்பு வழங்குபவராக, யாருடைய செல்வாக்குக்கும் அடிபணியாமல் தீர்ப்புத் தருபவராக இருக்க வேண்டும். ஓய்வுபெற்ற நீதிபதிகளுக்கு மனித உரிமைகள் ஆணையத்தின் தலைவர், பசுமை தீர்ப்பாயத்தின் தலைவர் என்பன போன்ற பதவிகள் வழங்கப்படுவது வழக்கம்தான். ஆனால், மாநிலங்களவை எம்.பி., மாநில ஆளுநர் போன்ற அரசியல் முக்கியத்துவம் வாய்ந்த பதவிகளை ஓய்வுபெற்ற நீதிபதிகளுக்கு வழங்குவது, நீதித்துறை மீதான நம்பகத்தன்மையை பாதிக்கும். பணி ஓய்வுக்குப் பிறகு, நமக்கு அரசுப் பதவி ஏதாவது கிடைக்கும் என்ற எண்ணத்துடன் ஒரு நீதிபதி செயல்படுவார் என்றால், அரசுக்கு எதிரான வழக்குகளில் எப்படிப்பட்ட தீர்ப்புகளை அவர் வழங்குவார் என்ற கேள்வி எழுகிறது” என்கிறார் வழக்கறிஞர் ச.சிவக்குமார்.

 இந்த நேரத்தில், பா.ஜ.க-வைச் சேர்ந்த முன்னாள் சட்ட அமைச்சரான மறைந்த அருண் ஜெட்லி, 2012-ம் ஆண்டு பா.ஜ.க எதிர்க்கட்சியாக இருந்தபோது முன்வைத்த ஒரு கருத்து நினைவுகூரத்தக்கது. “பணி ஓய்வுக்குப் பிறகு பெறப்போகும் பதவியின் மீதான ஆசை, பணியிலிருக்கும்போது வழங்கும் தீர்ப்புகளின் மீது தாக்கத்தை ஏற்படுத்துகிறது. இத்தகைய போக்கு, நீதித்துறையின் சுயேச்சையான செயல்பாடுகளை பாதிக்கும்” என்றார் அவர்.

காங்கிரஸ் தவறு செய்ததால்தான் ஆட்சியை இழந்தது என்று பேசுகிற பா.ஜ.க-வினர், அதே தவறைச் செய்வதன் விளைவு என்னவாக இருக்கும் என்பதையும் சிந்திக்க வேண்டும்!

 ஏற்கனவே முஸ்லீம் பிரதிநிதித்துவம் இல்லாத போது, அப்துல் நசீர் போன்ற கோடாரிக்காம்புகளால் முஸ்லீம்  சமுதாயத்துக்கு தீங்கே. இந்த சூழ்நிலையில் நாம் நமது பிள்ளைகளை முஸ்லீம் சமுதாயத்திற்கும் தீனுக்கும் பயன்படும் வகையில் வளர்க்க வல்ல ரஹ்மான் அருள்புரிவானாக.